César Santiso

Esquerda Unida ve con satisfacción que outras comarcas desenvolvan propostas de creación de emprego similares a que estamos a defender no Concello dá Coruña, sen ningún tipo de resposta por parte do goberno do señor Negreira.

O alto grado de participación da II Asemblea de Barrio do Birloque, cristalizou nun elevado número de demandas acordadas pola veciñanza.

Demandas sinxelas, elementais e lóxicas que evidencian a grave situación de infradesenvolvemento que vive unha zona esquecida por parte do Concello e que dende Esquerda Unida – Os Verdes tentaremos reverter.

O grupo municipal de Esquerda Unida - Os Verdes denuncia o estado da Avda. de salgado Torre que incomunica a rúa branco white con a igrexa e o cemiterio de san cristovo, a falta de infraestruturas impide aos veciños e veciñas acceder a outras zonas do barrio sen exporse a perigos debido a situación da estrada.

Esquerda unida propón a instalación dun paso elevado sobre a Avda. Salgado Torres que evite o illamento da veciñanza do Birloque. O devandito paso elevado poderíase instalar xunto á ponte da vía do tren.

O Voceiro de EU-V, César Santiso, indicou: “preguntaremos ao Goberno municipal por esta situación, tal e como acordou a veciñanza na II Asemblea de Barrio do Birloque”.

Pasado máis dun mes da demolición das ultimas infravivendas de Penamoa, o voceiro de EU-V, César Santiso, compareceu en rolda de prensa para facer balanzo da situación.

Esquerda Unida denuncia que Penamoa en lugar de rexenerarse estase a converter nun vertedoiro formado por refugallos, restos de demolición, zonas queimadas e a uralita das cubertas composta de amianto, material altamente tóxico e canceríxeno ao que o Real Decreto 396/2006 que regula el proceso de desamiantado obriga a retirar una compañía inscrita no Rexistro de Empresas con Risco de Amianto.

Mentres, o goberno municipal anuncia plans de rexeneración, envía efectivos para comezar os traballos, retira tan so a uralita con amianto das infravivendas da última demolición, pero non do resto que formaban o poboado e cando desaparece o foco mediático os efectivos desaparecen e o plan esmorécese.

O grupo municipal de Esquerda Unida – Os Verdes afirma que é necesario rexenerar o espazo degradado e reutilizalo inmediatamente para evitar que se manteñan a queimas incontroladas e a venta de drogas, por iso propón a creación dun aparcadoiro disuasorio gratuíto e un grande espazo de lecer e servizos para a cidadanía que inclúa un parque con zonas de hortas urbanas e verxeis de froiteiras para promover a agricultura ecolóxica como entretemento, deporte e, incluso, como oportunidade para que as persoas desempregadas síntanse produtivas e poidan facer achegas á economía familiar, avanzando así cara á soberanía alimentaria coruñesa. O aparcadoiro situaríase ao carón da terceira rolda para evitar a entrada de vehículos no centro da cidade, pero que tamén podería ser utilizado pola veciñanza habida conta dos graves problemas de aparcamento que padece a zona.

César Santiso, indicou que “temémonos que se prolongue por tempo o pesadelo que está a vivir a veciñanza, por iso solicitaremos unha xuntanza coa plataforma do Ventorrillo para analizar a situación e estudar distintas vías de actuación”. Porque co derribo das últimas chabolas o problema non está resolto. Apostamos por un plan integral de rexeneración e reutilización de Penamoa consensuado cos veciños e veciñas baseado na utilización do espazo para fins sociais e pagar, así, a débeda histórica que o Concello ten coa veciñanza, grazas aos terreos de propiedade municipal alí existentes.

Santiso rematou subliñando que “poñemos o noso grupo municipal ao servizo da veciñanza do Ventorrillo, A Silva, Cance, Penamoa ou A Moura para pular na procura da inmediata solución ao problema que levan sufrindo tres décadas”.

RESPOSTA AO ALCALDE

O voceiro de EU-V, logo da resposta do Alcalde da Coruña, Carlos Negreira, sinalou que “entendemos perfectamente que todos os plans teñen prazos que cumprir, pero hai certas actuacións como a eliminación de refugallos e materiais tóxicos que non poden esperar, nin compartimos nin entendemos que se produza un parón cando o traballo a desenvolver a primeira instancia é claro, obvio e necesario. Semella que o Goberno municipal so actúa diante do foco mediático e cara a galería, como sucedeu co do plan de rexeneración anunciado cando Penamoa era noticia pola ocupación do edifico da Moura”.

“Non permitiremos que se xogue cunha veciñanza históricamente obviada polo Concello. Terán os veciños e veciñas do Ventorrillo que esperar a que xurda unha nova ocupación ou algún tipo de desgraza para que o Goberno municipal acometa dunha vez por todas a rexeneración desta zona degradada?” preguntouse César Santiso quen recordou que o Goberno do PP non ten pensado reutilizar a zona a curto prazo o que suporá que Penamoa seguirá a ser un centro de trapicheo de droga e de queimas incontroladas, prexudicando gravemente a calidade de vida da cidadanía e degradando de novo o espazo recen rexenerado o que suporá, por outra parte, un malgasto económico inaceptábel nestes momentos de axustes orzamentarios e dificultade económica.

O Goberno central do PP ven de admitir que carece dun proxecto para rexenerar e recuperar a Ría do Burgo e que é incapaz de establecer un calendario de prazos de execución das obras.

Resulta abraiante que logo de anos de loita de mariscadores, Plataforma en defensa da ría do Burgo e da cidadanía coruñesa en xeral, non se avanzase na solución do problema.

O grupo municipal de Esquerda Unida - Os Verdes critica que o Goberno central non dedique investimentos para a rexenerar a ría do Burgo e que nin tan sequera careza de proxecto para rexenerar a ría do burgo. Insistimos na necesidade que se destine unha partida orzamentaria para a rexeneración da Ría do Burgo, que este ano quedou sen investimento nos PXE a pesares da existencia dun Protocolo de Colaboración elaborado pola Xunta, que é de coñecemento do Goberno Central. É necesario a urxente rexeneración da nosa ría, o que en lugar de ser un gasto e un auténtico investimento en economía produtiva que axudará á reactivación económica para a nosa comarca, grazas a poñer en valor a nosa riqueza natural, ademais de mellorar a calidade de vida da cidadanía e arranxar unha enorme desfeita medioambiental.

Esquerda Unida considera que o Goberno municipal incumpre co seu silencio o acordo plenario alcanzado pola corporación para recuperar a ría do Burgo, así no Pleno Ordinario do 12 de setembro de 2011 a Corporación Municipal acordou unha moción aprobada polo PP, o PSOE e EU-V para “Instar a que as Administracións competentes asuman definitivamente as súas responsabilidades para que todas traballen na mesma dirección co fin de conseguir a completa rexeneración e recuperación da Ría do Burgo, ao obxecto de que se estableza unha dotación orzamentaria que permita finalizar en 2012 o proxecto integral de rexeneración, para que os mariscadores poidan levar a cabo o seu traballo e para que os cidadáns poidan gozar dunha Ría do Burgo saneada”.

Con todo o Goberno municipal, antepoñendo como sempre os intereses partidistas aos da cidadanía coruñesa, mantén un silencio cómplice, e demostra a súa nula capacidade para defender os intereses da Coruña diante do Goberno central, apesares de incumprir unha vez máis un acordo plenario.

Por outra banda, o voceiro de EU-V, César Santiso, indicou “semella curioso observar como aquel que cando gobernaba a cidade calaba diante da inacción dun goberno central do seu mesmo color, agora preténdase erixir en abandeirado da rexeneración da ría do Burgo e acuse ao Goberno central do PP de falta de compromiso, exactamente o mesmo que sucedía cando Gobernaba o PSOE.

“Hai que ter cara dura para reivindicar dende a oposición o que non se fixo mentres se gobernaba”, afirmou César Santiso quen aseguro que neste tema como noutros moitos os coruñeses e coruñesas non nos sentimos representados polo exalcalde.

Santiso rematou indicando que “esta actitude hipócrita, tanto do PSOE como do PP, antepoñendo os intereses do partido aos da veciñanza, merece ser castigadas tanto nas urnas como nas rúas. Porque é evidente que nada están a facer por beneficiar a calidade de vida dá cidadanía e en defensa dúas postos de traballo do sector marisqueiro e dá economía dá nosa bisbarra”.

A II Asemblea de Barrio no Birloque desenvolvida fai uns días puxo en evidencia, ademais do déficit en mantemento, dotacións e infraestruturas, as grandes eivas en canto a mobilidade que sofre o barrio.

Así, si da I Asemblea xurdiron 14 preguntas escritas, unha pregunta oral e unha moción, nesta ocasión emanaron da II Asemblea 17 novas iniciativas, o que amosa o alto grado de participación da veciñanza ilusionada por poder levar ao Pleno do Concello as súas demandas. Algunhas desas iniciativas están relacionadas con temas de mobilidade, como a que estamos a anunciar hoxe.

O grupo municipal de Esquerda Unida - Os Verdes denuncia as carencias en canto a mobilidade e transporte público colectivo que teñen que soportar os veciños do Birloque. Non se pode permitir que unha zona de moita poboación atópase illada até o punto de ter que realizar traxectos de case un quilómetro, ata a Avda. Pablo Picasso, para poder coller o transporte público, camiñando por unha zona carente de beirarrúas, mal iluminada e con todos os accesos en pésimo estado. No cabe dúbida de que é imprescindíbel aplicar medidas urxentes para resolver as necesidades en canto a transporte.

Xa que logo, Esquerda Unida propón que a liña de autobuses nº 5, amplíe o seu percorrido de xeito que poida cubrir as necesidades da cidadanía, como demandan os veciños da rúa Joaquin Planells, Blanco White e a súa zona de influencia que reclaman que o autobús Nº 5, unha das liñas máis antiga da Coruña, corrixa o seu percorrido de tal forma que ao circular pola rúa Joaquín Planells en dirección a Blanco White, poida estender o seu percorrido, incorporándose á Avda. Salgado Torres ata chegar á Avda. de Glasgow, para continuar o seu percorrido habitual.

Instamos ao Goberno municipal para que interveña en defensa dos intereses da cidadanía diante da Compañía de Tranvías para que corrixa de urxencia o dito problema, porque a falta de programación do servizo nesta zona evidencia un claro desdén cos veciños e veciñas do barrio.

O voceiro de EU-V, César Santiso, indicou que “non aceptaremos o argumento de que hai pouca demanda, porque si que existe pero debido as carencias do servizo, non é o suficientemente atractivo para a veciñanza”.

A asociación veciñal O Castrillón Urbanización Soto IAR están a queixarse da falta de resposta do alcalde da Coruña e os concelleiros de área, diante das súas solicitudes de xuntanza para tratar os problemas do barrio.

Diante deste silencio Esquerda Unida considera que o Goberno municipal pretende rachar o tecido asociativo coruñés obviando a asociacións emblemáticas como a do Castrillón, no que constitúe a constatación da falta de interese do goberno do PP en materia de participación cidadá, a pesares que durante a campaña electoral ao alcalde enchíase a boca falando de diálogo cos veciños.

O grupo municipal de Esquerda Unida – Os Verdes solidarízase cos veciños do Castrillón diante do esquecemento do concello e anuncia e ofrécese para levar as demandas do barrio ao Pleno do Concello. Porque dende que o PP está a gobernar na Coruña fai un ano están a ser obviados. Semella indignante que barrios con déficit en desenvolvemento, mobilidade, equipamento e mantemento, nin tan sequera sexan recibidos polo Goberno local, máis aínda cando o propio PP paralizou a construción do complexo polideportivo xa comprometido.

O voceiro de EU-V, César Santiso, indicou “é de sabios rectificar, o goberno local debería cambiar a súa actitude coa AVV. O Castrillón, as 1000 sinaturas recollidas é unha mostra inequívoca do grave erro que está a cometer o PP en canto participación cidadá”.

César Santiso afirmou “en lugar de buscar unha participación cidadá aberta e democrática, o PP pretende tecer unha rede clientelista a través dos seus concelleiros de barrio”. Por iso dende Esquerda Unida solicitamos que o Goberno local consensue unha estrutura de participación cidadá real na que a función dos concelleiros de barrio sexa apoiar os procesos democráticos na toma de decisións da veciñanza mediante as Asembleas de barrio.

En cumprimento co programa electoral das municipais na Coruña no que respecta á participación cidadá, Esquerda Unida coa colaboración da AVV: Os Anxos desenvolveu días atrás á II Asemblea de Barrio do Birloque.

As Asembleas de Barrio ten como obxectivo habilitar un canle de comunicación efectivo entre a veciñanza e o Concello que avance na participación cidadá e permita á cidadanía tomar decisións sobre as prioridades en investimentos municipais do seu barrio, xa que entendemos que son os veciños e veciñas os quen mellor coñecen cales son as principais necesidades do seu barrio.

Froito desta asemblea, na que se aprobaron 17 iniciativas para presentar no Pleno do Concello, Esquerda Unida, denuncia a falta de mantemento e infraestruturas no camiño de Someso á Universidade no barrio do Birloque. Xa que case non existen beirarrúas e as poucas que ai están sen limpar, non hai sinales de límite de velocidade e  acumúlase moreas de terra que dificultan o transito.

O grupo municipal de Esquerda Unida - Os Verdes propón incrementar a seguridade viaria na Agra pequena incorporando beirarrúas e sinais de tráfico xa que o camiño de Someso á Universidade case non dispón de beirarrúas e as poucas que existen atópanse invadidas de maleza, polo que esiximos a súa limpeza, este déficit unido a falta de sinais de limitación de velocidade constitúen un grave perigo para os peóns que o Concello debe resolver con urxencia.

O voceiro de EU-V, César Santiso, indicou: “preguntaremos ao Goberno municipal por esta situación, tal e como mandatounos a veciñanza na II Asemblea de Barrio do Birloque”. Santiso anuncio que unha vez presentadas en Pleno todas as iniciativas e logo da resposta do Goberno municipal, desenvolverase unha nova Asemblea para dar conta dos resultados das xestións, así como o grado de compromiso do Goberno municipal.

Así, Santiso afirmou “unha vez máis, demostramos que cumprimos o que dicimos, ao contrario que outros que se dedican a pasear pola cidade para sacarse a foto pero sen intención real de xestionar os problemas da veciñanza”.

Dende hai anos os estudos epidemiolóxicos veñen alertando sobre o incremento da incidencia da asma e as alerxias na poboación da cidade da Coruña.

O voceiro de EU-V, César Santiso, indicou que “máis dun 20% da poboación sufre algún tipo de alerxia, situación que se agrava en primavera, o Concello debe actuar para garantir a saúde e benestar da veciñanza”, como leva tempo alertando o CHUAC quen tamén indica que os casos de asma duplicáronse na cidade desde 1998.

Os períodos de máis incidencia das alerxias son os meses de primavera e os de outono, nos que se engaden ás enfermidades respiratorias propias da estación. O problemas persoais, a incidencia nas baixas médicas e o gasto farmacéutico son os problemas que poderían previrse con unhas políticas axeitadas.

Por outra banda, un recente estudio realizado por tres destacadas arquitectas sinalaba que so na Cidade Vella lévanse perdidos máis de 300 arbores no últimos oitos anos. Tamén poderíamos mencionar os múltiples exemplos de exemplares tallados e non repostos en moitas prazas e rúas da nosa cidade fora do casco antigo durante todo o mandato do PSOE e do bipartito, que utilizaron deseños pouco respectuosos cas masas arbóreas existentes, nalgúns casos centenarias.

Esquerda Unida propón que se substitúan progresivamente as plantas alerxénicas para reducir a incidencia do asma e das alerxias na cidade. A existencia de pulmóns verdes na cidade paliaría en gran medida a incidencia de asma e alerxias, coa mellora da calidade de vida dos afectados e as incidencias positivas no aforro en medicinas e en custo de baixas médicas. E tamén pensamos que a caracterización da nosa cidade como una urbe “verde” sería un valor turístico de primeiro orde.

Tamén estimamos necesaria a substitución progresiva das especies vexetais existentes por outras hipoalerxénicas que reduzan a incidencia de alerxias debidas o polen. A Organización Mundial da Saúde (OMS) recomenda un mínimo de unha árbore por cada tres habitantes en zonas urbanas así como un mínimo de 10 m2 de superficie verde por habitante.

O grupo municipal de Esquerda Unida – Os Verdes desenvolverá unha batería de preguntas no Pleno para saber si A Coruña cumpre os estándares da OMS en canto a zonas verdes urbanas, concretamente:
1.- Ten o Goberno Municipal pensado facer un inventario dos árbores e zonas verdes que existían na nosa cidade fai 25 ou 50 anos e intentar restaurar aquelas que se perderan?

2.- Ten o Goberno Municipal pensado tomar algunha medida de protección dos árbores e zonas verdes existentes?

3.- Ten o Goberno Municipal pensado realizar un catálogo de especies vexetais hipoalerxénicas que sexan as únicas que se podan utilizar na creación de novas zonas verdes?

4.- Ten o Goberno Municipal pensado realizar un plan de substitución progresiva das plantas existentes nas zonas verdes actuais por outras especies vexetais hipoalerxénicas?

5.- Ten o Goberno Municipal pensado contabilizar o ratio de árbores por persoa e superficie verde por persoa para verificar si se están a cumprir as recomendacións da Organización Mundial da Saúde na nosa cidade?

Hoxe o voceiro do grupo municipal de EU-V, César Santiso, desenvolveu unha rolda de prensa para demostrar a incoherencia do Goberno municipal que nun Pleno di unha cousa e noutro di a contraria, como sucedeu coa dación en pago.

O noso grupo municipal presentou no paso Pleno unha moción a prol dunha Iniciativa Lexislativa Popular (ILP) para a regulación da dación en pago, paralización dos desafiuzamentos e aluger social.

O facíamos porque consideramos inadmisíbel que nun estado social e democrático de dereito onde a propia Constitución recolle o dereito a unha vivenda digna, recaian todas as consecuencias da crise sobre a parte máis vulnerábel do contrato hipotecario. Pois a actual lexislación permite que as entidades financeiras adxudíquense as vivendas polo 60% do valor de taxación non só é anómala e non ten comparativa coas lexislacións doutros países da nosa contorna, senón que ademais era descoñecida polas familias cando asinaron os contratos hipotecarios moitas veces con información insuficiente e enganosa.

O grupo municipal de Esquerda Unida – Os Verdes denuncia que o grupo municipal do PP votase en contra da moción de apoio a ILP da dación en pago cando meses atrás apoiaron unha moción neste sentido. Concretamente o 3 de novembro do 2011 o Pleno apoiaba por unanimidade instar ao goberno do Estado a impulsar unha reforma lexislativa en materia civil hipotecaria procesual dirixida a protexer as persoas cuxa vivenda hipotecada é residencia habitual e a evitar o seu deshaucio, que contemple:
a. Admitir a dación en pagamento como cancelación da totalidade da débeda hipotecaria.
b. Posibilitar que nos procesos xudiciais de execución hipotecaria, existan mecanismos de oposición a favor das persoas debedoras que conduza a unha moratoria no pago dos prazos pactados acomodándoos á situación económica da persoa debedora, á transformación nun contrato de arrendamento con opción de compra ou á condonación parcial da débeda.

Xa que logo, Esquerda Unida considera que o PP está a actuar de maneira incoherente en relación coa dación en pago. Xusto o contrario que a nosa postura, onde estamos a defender a dación en pago en todos os ámbitos do Estado con coherencia, porque se debe parar o abuso dos bancos no seu espiral especulativa e da apropiación dos dereitos fundamentais dos cidadáns. Vemos doutra banda, como o estado mantense á marxe e en silencio fronte aos abusos que exerce o poder financeiro da banca sobre a poboación, xa que logo, anunciamos a nosa participación activa na devandita campaña.

César Santiso, indicou que “é curioso observar a hipocrisía dalgúns que apoian mocións coa única intención de quedar ben diante da cidadanía, pero sen intención de facelas cumprir. Cando a moción é executiva e hai que implicarse, como a que presentamos nos, achícanse mais cando a moción é so de principos e non supón implicación sacan peito, como podes observar neste extracto do acta do Pleno do 3 de novembro de 2011:
Nós imos apoiar esta moción…, pero paréceme moi pouco ambiciosa e esperaba moito máis nun tema tan delicado e tan complicado como é o intre que estamos vivindo respecto dos créditos hipotecarios… A dación en pago existe no noso ordenamento xurídico… creo que o camiño debe ser traballar todos para conseguir que este problema soluciónese. Quizais na próxima moción que vostede presente faga un estudo máis profundo e entre todos consigamos mellorar a situación deste país e sobre todo mellorar a situación desas familias que hoxe en día non poden pagar nin o seu crédito hipotecario nin poden pagar o seu arrendamento por culpa dunha crise creada por un goberno socialista.

O Goberno municipal ven de anunciar o proxecto Coruña Futura que contará coa participación, ademais do Concello, do Consorcio das Mariñas, da Deputación, da Xunta e do Goberno central.

Esquerda Unida valora positivamente o proxecto Coruña Futura pero considera un despropósito gastar 900.000 € nun estudo. Sempre consideramos fundamental definir as liñas estratéxicas da cidade que queremos para o futuro. Apostamos decididamente por unha cidade centrada no coñecemento, máis sustentábel, menos dependente do petróleo, xeradora de emprego, amigábel para as persoas e con máis e mellores servizos a cidadanía grazas á utilización das novas tecnoloxías, a racionalización do gasto público e a mellora da eficiencia nas tarefas administrativas.

Máis para iso non son necesarios semellantes investimentos, nestes tempos de crise e falta de financiamento semella indignante observar como se malgastan os cartos públicos desenvolvendo estudos e deseños que facilmente poderían realizarse con recursos propios e locais mediante convenios de colaboración coa Universidade, medida que ademais fomentaría a creación de emprego local.

O voceiro de EU-V, César Santiso, indicou que “os principios deste proxecto é o que venmos defendendo dende fai tempo, magoa que o Goberno municipal tardase un ano en decatarse, precisamente cando a rapidez de acción dos poderes públicos é fundamental para evitar que o tecido produtivo local se desvaneza”.

César Santiso, en relación as palabras do alcalde: a planificación é o mellor antídoto para evitar a improvisación e as cidades somos claves na saída da crise subliñou “semella que a nosa insistencia nestes principios, día a día, pleno a pleno, o Goberno municipal cae na conta que para unha correcta gobernanza é necesario ter plans de goberno, que o Concello ten nas súas mans a reactivación económica local e que esta pasa polo cambio do modelo produtivo cara un máis sustentábel baseado no coñecemento, algo que levamos demandando dende EU-V dende que o PP chegou ao goberno”.

O grupo municipal de Esquerda Unida – Os Verdes considera que o PP volve a utilizar os estudos como coartada para agachar a súa inacción de goberno e a falta dun plan estratéxico de cidade. O estudo que pretende desenvolver non é outra cousa que o plan que prometía durante as eleccións e que se tiña que estar desenvolvendo neste primeiro ano, con todo o goberno local anuncia agora a súa elaboración por un período de dous anos, polo que as medidas do dito plan non as poderá executar porque xa rematará o seu mandato. É dicir, o PP utiliza unha nova cortina de fume de case un millón de euros, pagada con cartos de todos os coruñeses e coruñesas.

Por outra banda, o Alcalde amosa un alto grado de incoherencia cando fala de participación cidadá pero pretende convocar un concurso internacional millonario para que deseñen a nosa cidade, é dicir en lugar de apostar pola participación cidadá e o talento local, prefire que a golpe de talonario veña xente de fora a definir cal é o tipo de cidade que queremos os coruñeses e coruñesas.

Hoxe vivimos nun mundo dominado por forzas incapaces, xa, de garantir os seus dereitos básicos de existencia a todos os habitantes do planeta, dereitos que lles permitan vivir con dignidade e liberdade.

Uns e outros gobernos din que non hai máis alternativa que a perda de dereitos adquiridos tras longas loitas, ou a renuncia a sequera gozalos algunha vez. Estamos ante unha xeración que ve como os seus mundos desaparecen e outra, máis nova, que ve como aqueles mundos que lle prometeron nunca chegarán. E mentres que este 99% da poboación mundial empobrece, o 1%, dono de mercados e grandes fortunas, e con iso, de gobernos, segue enriquecéndose cunha crise da que son os principais causantes.

Este é o comezo do manifesto do 15M de cara a mobilización mundial, manifesto que Esquerda Unida como movemento político e social comparte integramente.

Esquerda Unida - Os Verdes apoia a mobilización mundial do 15M por unha saída social da crise e a defensa dos dereitos e servizos públicos, tal e como continúa o manifesto: Así, nós, mulleres e homes, habitantes deste planeta, decidimos libre e fraternalmente facer oír a nosa voz este 12 de Maio en todo o mundo. Desta maneira queremos denunciar o estado actual do noso planeta, e esixir a aplicación doutras políticas distintas, destinadas ao fomento e promoción do ben común, o ben do 99% da xente.

Compartimos as reivindicacións e o lema da mobilización “compre volver”, xa que logo, o consello comarcal de Esquerda Unida anima a cidadanía a participares na mobilización convocada polo 15M  rede de barrios e vilas da coruña que partirá o sábado, 12 de maio, da praza da palloza as 18:00 h.

Neste sentido o coordinador comarcal de EU, César Santiso, indicou “participarei na mobilización, ao igual que os compañeiros e compañeiras de EU-V, como un cidadán máis indignado que confía en xuntos podemos recuperar o poder popular, secuestrado polos poderosos baixo o nome dos mercados”.

O Concello está a arranxar as fochancas da Avda. de Oza xa que estas eran de considerábel profundade e lonxitude, algo incomprensíbel pois a remodelación rematou fai tan so 15 meses.

Esquerda Unida considera un malgasto que o Concello utilice os servizos municipais para arranxar a calzada da Avda. de Oza, non cabe dúbida de que o problema existía dende fai tempo, como viña denunciando a asociación de veciños Oza-Gaiteira-Os Castros, e xa que logo tiña que resolverse pois supoñía un risco para a seguridade do tráfico e unha molestia para a veciñanza. Mais o rápido deterioro do firme nun período tan curto suxire eivas na obra acometida.

O grupo municipal de Esquerda Unida – Os Verdes lamenta que o goberno municipal permitise que o período de garantía expirase sen esixir a reparación dos danos á empresa construtora. O que constitúe un grave erro de xestión por parte do PP que en lugar de velar polos intereses dos coruñeses e coruñesas, permite con esta actuación que a empresa construtora evite ter que facer fronte aos custos de reparación, que agora tense que desenvolver a conta dos cartos públicos do Concello.

O voceiro de EU-V, César Santiso, indicou que “curiosamente esta actuación desenvolvese cos cartos de todos e todas, tres meses despois de que se cumprise o ano de garantía, a pesares de que tempo atrás a A.VV. Oza-Gaiteira-Os Castros xa tiña denunciado os defectos, semella inadmisíbel que un goberno que presume de austeridade e de aforro, teña semellante “descoido” cunha construtora”.

Xa que logo, o grupo municipal de EU-V, preguntará no Pleno do Concello cales foron os motivos polos que o Goberno municipal deixou expirar o prazo de garantía a pesares de que xa existían danos na obra executada e por lo tanto non esixiu a súa inmediata reparación á empresa construtora?

Por outra banda, preguntarase tamén si o Concello terá en conta este tipo de eivas a hora de desenvolver novas contratacións, xa que normalmente prodúcense preto do tempo de expiración da garantía no que semella unha artimaña para aforrar custes a consta da perda de calidade en técnicas e materiais utilizados.

Hoxe o voceiro de EU-V, César Santiso desenvolveu unha rolda de prensa para valora os datos do desemprego de abril na Coruña e achegar propostas para reactivar a economía local.

As series estatísticas históricas amosan que abril é un mes de xeración de emprego, debido ao tirón da semana santa e ao inicio da primavera onde se incrementan algunhas actividades produtivas. Así a pesares de atoparnos en recesión o desemprego descendeu levemente a nivel de todo o Estado.

Lamentablemente, a grave situación que vive o tecido produtivo galego situou a nosa comunidade una vez máis no pelotón de cabeza do paro con 849 novas incorporacións o que supón que na actualidade 277.644 persoas atópanse en situación de desemprego.

Peor é a situación que estamos a vivir na nosa cidade onde o desemprego incrementouse en 264 persoas respecto do mes de marzo, un 1,14%, até chegar a 23.449 persoas desempregadas, así en abril de cada 10 parados galegos 3 eran coruñeses. Estes datos amosan que na nosa cidade estase a incrementar o desemprego por riba da media  española, galega e da nosa propia provincia.

O grupo municipal de Esquerda Unida – Os Verdes denuncia que dende a chegada do PP a María Pita o desemprego incrementouse nun 17,25% debido á falta de iniciativas que fomenten a reactivación económica local e políticas activas de emprego. Xa son case 3500 coruñeses e coruñesas os que engrosaron as listas do paro nestes 11 meses, mentres o noso tecido produtivo cambalease como demostra o feito que o sector da industria é o que experimenta un maior incremento do desemprego cun 1,41%. Diante desta situación de emerxencia urxe aplicar medidas tendentes a apoiar ao tecido produtivo local.

Xa que logo, Esquerda unida propón a creación dun Servizo Integral de Apoio Municipal a Emprendedores (SIAME) para xerar emprego. O dito servizo pretende ser unha ferramenta efectiva para autónomos, PEMES e cooperativas, cubrindo as necesidades básicas ás que se enfrontan os emprendedores, para que podan centrarse na súa actividade produtiva e así rachar coa barreira burocrática que na practica impide a moitos realizar a súa actividade. Así, mediante unha taxa que cubra custos de xestión o Concello xestionaría o acceso a oficinas, e a prestación de servizos administrativos, informáticos, de comunicacións, de loxística, e asesoramento contábel, laboral e tributario.

O voceiro de EU-V, César Santiso, indicou que “A Coruña, por capacidade e historia, debe ser o motor económico da bisbarra e debe liderar o cambio do modelo produtivo e a reactivación da economía local”.

O SIAME favorecerá a reactivación económica local, a creación de emprego estábel de calidade e o cambio do modelo produtivo cara un máis sustentábel e menos dependente do petróleo”, ao establecer ditas premisas como requisito de acceso ao servizo xunto cun estudo favorábel sobre a viabilidade económica (desenvolvido pola propio SIAME). Así, as nosas empresas melloraran a súa competitividade diante dun escenario de escaseza do petróleo e constante suba de prezos da enerxía.

O PP lanzou un verdadeiro plan de destrución masivo contra a educación pública, ao recorte de 623 millóns de euros en educación recollidos nos Orzamentos Xerais do Estado, súmase un recorte adicional de 3.000 millóns, unha agresión ó ensino público que non ten precedentes nos últimos corenta anos.

Esquerda Unida - Os Verdes apoia a Folga do ensino en contra dos recortes do Goberno central do PP, caracterizados pola masificación das aulas, incrementado un 20% o número de alumnos (de 25 a 33 en primaria e de 30 a 40 en secundaria) e a redución da oferta educativa de bacharelatos nos institutos que so ofertarán unha modalidade o que de facto obrigará ao estudantado con menos recursos a cinguirse a estudar a modalidade que se implante no seu instituto máis próximo sen ter en conta nin o gusto nin a capacitación do alumnado. Asemade suprimirase a introdución dos módulos de 2000 horas de Formación Profesional.

Estas medidas, xunto co aumento de horas lectivas do profesorado en detrimento do apoio e atención ao alumnado e o aumento a dúas semanas o tempo necesario para cubrir a baixa dun docente, redundarán nunha redución da calidade do ensino, que xa de por si era deficiente segundo os indicadores europeos.

Por outra banda, as medidas do Goberno central procuran a privatización e elitización do ensino universitario, que pretende a exclusión das familias traballadoras mediante unha selección económica consistente en subir as taxas nun 50%.

O consello comarcal de Esquerda Unida chama a comunidade educativa a participares na mobilización que partirá ás 12:00 h. da Praza da Palloza cara a delegación da Xunta de Galicia, para deixar ben claro e gritar ben alto que estamos fartos de recortes de dereitos e que rexeitamos de maneira especial os desenvolvidos sobre o ensino público.

O coordinador comarcal de EU, César Santiso, indicou que “cando debemos apostar pola excelencia e a calidade para dar o valor engadido que necesita o noso tecido produtivo para ser competitivo, o PP entende que o ensino é un gasto en lugar dun investimento”.

Os datos están a demostrar que A Coruña está a experimentar un constante incremento do número de cruceiros e cruceiristas, así entre onte e hoxe bátese unha nova marca ao concentrar en dous días cinco cruceiros que achegan uns 8000 visitantes.

O grupo municipal de Esquerda Unida – Os Verdes denuncia que o Goberno municipal está a desperdiciar a magnífica oportunidade que lle brinda o turismo de cruceiros para reactivar a economía local e xerar emprego, desperdiciando a excelente xestión que está a desenvolver o Porto da Coruña neste sentido. Non cabe dúbida que o sector está en auxe na nosa cidade, até o punto de que no 2012 duplicarase o número de visitantes en relación co 2010, concretamente espéranse 144.342 turistas en 90 cruceiros, este incremento permitiu superar ao Porto de Vigo no primeiro trimestre do ano. Asemade o Porto da Coruña espera superar o centenar de cruceiros no 2013.

Con todo, este impresionante incremento do sector en plena crise económica non está a reverter o correspondente impacto económico, así o propio Presidente da zona Obelisco, Antonio Amor, declaraba en relación coa chegada masiva de cruceristas de onte “Movimiento ha habido pero no se han notado esas 4.500 personas”.

Por outra banda, segundo estudos existentes o impacto económico desta actividade durante o ano pasado foi de sete millóns de euros a razón de 55 euros por pasaxeiro. Apesares de que consideramos os ditos datos excesivamente optimistas, pois estimamos que os cruceiristas non están a gastar esa cantidade no seu paso pola Coruña, consideramos que o consumo pode duplicarse ou triplicarse grazas a unha correcta xestión e coordinación turística que, incluso permitiría aspirar a que o noso porto sexa punto inicial de embarque ou final de desembarque o que redundaría en que a estancia dos cruceiristas pasaría dunhas horas a máis dun día, incrementado exponencialmente o impacto económico.

Esquerda Unida propón que o Concello desenvolva un plan turístico para triplicar o impacto económico por cruceirista. O dito plan debe ser participado polos distintos axentes turísticos, federacións de veciños, sindicatos e partidos políticos baixo a coordinación do consorcio de turismo para desenvolver iniciativas que permitan ao Concello habilitar ferramentas tendentes a incentivar o consumo dos cruceiristas na nosa cidade, de tal maneira que cando os turistas cheguen teñan inmediata información dunha estimulante e atractiva oferta turística na nosa cidade, non como sucede agora que os turistas cando chegan a nosa cidade atopasen perdidos e deambulan dun lado sen rumbo definido perdendo así o pouco e valioso tempo que pasan na nosa cidade, como indica o propio Antonio Amor “mucho preguntar pero poco consumir”.

O voceiro de EU-V, César Santiso, indicou que “apostamos porque o Concello defina ofertas turísticas que estimulen o consumo dos que visitan a nosa cidade incrementando o actual impacto económico, a través do deseño de rutas que, centradas nos atractivos puntos culturais da nosa cidade, permitan aglutinar en torno a elas unha importante oferta hostaleira e comercial a través de itinerarios configurados para fomentar o consumo dos turistas, reactivando así un sector en declive como o pequeno comercio, alicerce da nosa economía local. Algo diametralmente oposto á situación actual onde a oferta turística é escasa, inconexa, pouco definida e ineficiente.

No Pleno do Concello da Coruña desenvolvido onte, o Goberno do PP volveu a facer gala dunha alarmante falta de preocupación e empatía, coa situación que están a vivir as familias traballadoras coruñesas.

O grupo municipal de Esquerda Unida – Os Verdes considera unha desidia que o goberno local se negase tan sequera a debater unha moción para que o concello axilizase o pagamento que se debe ao Circo de Artesáns. Sociedade que se atopa totalmente afogada economicamente que lle impide facer fronte aos custos de mantemento da instalacións e o pagamento dos salarios do cadro de persoal, debido ao grande descenso de socios, de 3.300 nos anos 80 aos actuais 160. Mais non debemos esquecer que forma parte da historia viva da nosa cidade, non en vano a súa fundación data do ano 1847, sendo na actualidade a sociedade en activo máis antiga da nosa cidade. Non cabe dúbida de que o Circo de Artesáns é unha das sociedades máis emblemáticas da Coruña, basta dicir que os tradicionais apropósitos coruñeses de Carnaval teñen os seus orixes nesta sociedade que dispón dunha importante biblioteca cuxa catalogación data de principios do século pasado. A mesma “Universidade Popular” ten os seus orixes na sociedade, así como entidades tan importantes como a Real Academia Galega ou a Asociación da Prensa.

Esquerda Unida acusa ao Goberno municipal de profundar a extrema situación económica do cadro de persoal do circo de artesáns, que levan catro meses se cobrar e teñen pendente media paga extra do Nadal, o que lles obriga aos 6 traballadores e traballadoras a pedir cartos aos seus familiares para poder subsistir e incluso, nalgúns casos, están a ver perigar a súa propia vivenda debido á devolución de recibos da hipoteca, baixo ameaza incluso de ser incorporados no arquivo de morosos.

O voceiro de EU-V, César Santiso, indicou que “o Concello ten pendente de pago os 21.000 € correspondentes ao segundo trimestre de 2012 do convenio, mentres os traballadores e traballadoras non cobran. Está claro que o Concello non é o responsábel desta situación, máis logo de asinar o convenio de colaboración co Circo de Artesáns, ten certo grado de correspoonsabilidade na grave situación que están a vivir os seus traballadores e traballadoras polo que debe actuar con dilixencia e responsabilidade”.

César Santiso afirmou “Non podemos considerar bos gobernantes a aqueles que non miran polo ben da cidadanía á que representan”, ao tempo que se preguntaba “por qué o Goberno do PP obvia a estas familias traballadoras, cando está na súa man paliar a súa grave situación sen incrementar o gasto do Concello?”.

Emesa-Trefilería ten os seus oríxes en 1959, dedicándose en exclusiva a fabricación de aceiro, no 2004 a adquiriu o importante grupo Previdente, Sociedade de Controle de Participaçoes Fianancieras SA.

O consello comarcal de Esquerda Unida solidarízase co cadro de persoal de EMESA ante a posíbel deslocalización da empresa. Así o seu Comité de Empresa, informa que a propietaria tomou decisións empresariais con serios efectos sobre o nivel de emprego e produción das factorías coruñesas, desprazando progresivamente a carga de traballo cara a unha empresa do grupo en O Porto. O Comité mostra a súa preocupación pola falta de abastecemento de materia prima para atender a demanda dos seus clientes, polo que o cadro de persoal teme que se estea mantendo esta situación para proceder a unha deslocalización en beneficio desta outra empresa, o que os leva a temer polos seus postos de traballo, xa que na última reunión mantida o día 25 de abril coa dirección da empresa, esta manifestou que se están estudando varias posibilidades que, como mínimo implicarían unha reestruturación de persoal, sen descartar medidas máis drásticas.

O grupo municipal de EU-V recorda que ven de apoiar as dúas mocións que se presentaron no Pleno de onte na Coruña e anuncia que fará un seguimento das xestións do equipo de Goberno coa Xunta, Deputación e Goberno central na procura de cumprir os acordos plenarios. Semella fundamental que o Concello defenda o tecido produtivo da bisbarra, desenvolvendo accións tendentes a promover a economía produtiva local e evitar na medida do posíbel os procesos de deslocalización, sobre todo naquelas empresas estratéxicas que ademais xeran moita activade económica e riqueza ao seu redor como é o caso de Emesa-Trefilería, única empresa galega do sector cun cadro de persoal formado por 71 persoas.

Fai máis dun mes que comezaron as obras de rehabilitación do chan do Paseo Marítimo, nestes momentos estase a traballar na emblemática zona que transcorre dende a praia de Riazor até a do Orzán.

O grupo municipal de Esquerda Unida – Os Verdes denuncia a falta de adecuación dunha zona segura para o paso de peóns nas obras do Paseo Marítimo, así a veciñanza ten que utilizar a zona reservada para as vías do tranvía, unha calzada que ten o inconveniente de ter os buratos propios da vía o que sumado a súa estreiteza pon en perigo a seguridade viaria dos peóns. Asemade o dito paso supón unha incomodidade para os viandantes que teñen que pasar por unha zona embarrada que se conserva en moi mal estado.

Esquerda Unida demanda que o Concello habilite temporalmente un adecuado espazo peonil no Paseo Marítimo, a solución podería ser un entarimado de madeira enriba da estreita calzada que ten as vías do tranvía, así evitaríase o perigo dos buratos, a incomodidade do barro e ganaríase un espazo uniforme para que os peóns poidan pasear con seguirdade. A dita actuación, que debería obrigarse a desenvolver a empresa que está realizando a pavimentación do Paseo Marítimo, é sinxela e económica ao tempo que práctica e estética, pois se iría montando e desmontado por tramos segundo avance a obra e o resultado final sería semellante aos paseos de táboas dos que dispoñen moitas praias galegas.

O voceiro de EU-V, César Santiso, indicou que “a situación que se vive no Paseo Marítimo dende Riazor até o Orzán é propia de países en vías de desenvolvemento, semella inaceptábel que se este poñendo en risco a seguridade da cidadanía ao tempo que se da unha imaxe tan penosa da nosa cidade”.

Santiso preguntouse “como é posíbel que o Goberno local non repare neste problema e na súa fácil solución? acaso prefiren molestar a cidadanía antes que demandar a empresa construtora que asegure a seguridade da veciñanza?

A grave situación que estamos a vivir demanda dos poderes públicos unha actitude proactiva para desenvolver accións tendentes a promover a reactivación da economía produtiva. Gran parte do éxito da acción de goberno dependerá da efectividade e o número de medidas tomadas.

Dende Esquerda Unida – Os Verdes lamentamos o pobre bagaxe do Goberno municipal neste sentido, proba de elo o temos no escaso contido da orde do día deste Pleno, algo que se ven repetindo mes tras mes. Por iso, demandamos maior e mellor gobernanza para a nosa cidade, porque os nosos veciños e veciñas o merecen.

Precisamente, a adhesión á Rede de Cidades Intelixentes pode ser o punto de partida para cambiar a parálise resolutiva que padece este Goberno municipal.

A participación no proxecto e o desenvolvemento de medidas tendentes a cumprir os principios rectores que emanan dos seus estatutos, constituiría a primeira pedra na construción dun novo modelo produtivo local. Así, grazas á aposta polas novas tecnoloxías conséguese reducir o gasto público e mellorar a calidade dos serivzos a cidadanía. Por outra banda o coñecemento e as sinerxias adquiridas permitirían incrementar a prosperidade e competitividade local, ao tempo que se avanza cara a sustentabilidade ambiental e social.

O proxecto semella ilusiónante, ambicioso e necesario, mais até que punto o Goberno municipal cree nel? Pódemos acadar aquí e agora un compromiso serio de que se potenciara este tipo de políticas e se procurará a súa transversalidade? Comprométese o Goberno municipal a desenvolver estas accións con verdadeira transparencia, creando por exemplo un espazo na web municipal na que se de cumprida información das iniciativas e o seu estado de execución? Será un proxecto aberto e participativo ou escurantista e pechado, como ten por costume o Goberno municipal?

Importantes dúbidas como poden observar, porque moito nos tememos que esta sexa unha máis desas moitas iniciativas de cara á galería, un mero brinde ao sol que nunca chega a plasmarse na realidade.

En todo caso, o tema que se trae hoxe a Pleno ten unha obvia ligazón co proxecto samartCity para aplicar novas tecnoloxías aos servizos públicos dotado de 11,5 millóns de euros, 8 achegados dende Europa. Un proxecto do que pouco sabemos do seu desenvolvemento, nunha nova mostra de opacidade por parte do Goberno municipal. SmartCity, si se fai un uso eficiente e racional dos fondos, supón unha formidábel ferramenta para cumprir os principios da Rede Española de Cidades Intelixentes.

No obxecto, as actividades e os fins da Rede de Cidades Intelixentes, promóvense accións como: utilización das novas tecnoloxías para facer unha cidade máis amigábel e sustentábel, aproveitamento das TIC para optimizar o funcionamento da Administración e así poder prestar máis servizos a cidadanía, fomentar o emprego e o desenvolvemento do sector produtivo, asesoramento especializado ao emprendedor, involucrar á cidadanía na construción da cidade.

Iso e o que procura a Rede Española de Cidades Intelixentes, e iso é o que levamos propoñendo unha e outra vez neste mesmo salón de plenos dende Esquerda Unida – Os Verdes e o goberno nunca actúo, é dicir levamos un ano perdido, que pena, inaceptábel, o goberno en parálise permanente en plena crise.

Mentres 23.449 coruñesas e coruñeses atópanse en situación de desemprego e cabalgamos cara ao 20% da poboación en risco  de exclusión social, o Goberno municipal dedica o seu tempo a buscar subterfuxios para manter as touradas, a deseñar obras faraónicas carentes de sentido nestes momentos como o soterramento do tráfico do Parrote, ou a desfacer o realizado por anteriores goberno como no caso do carril bus, ou a mediana da Avda. de Oza.

Anunciamos, como non podía ser doutra maneira, o noso voto favorábel mais estaremos vixilantes con ambas as dúas iniciativas: as controlaremos, as fiscalizaremos, denunciaremos calquera tipo de eiva o ineficiencia. Pero ao mesmo tempo ofrecemos toda a nosa colaboración na procura de obter os mellores resultados posíbeis.